RICORDO di LUGLIO
Ferdinando Torretti,
nome di fantasia
En ce vedeva un cas!
En v’deva da
machì a malì; en v’deva un pajar da do’ meter !
I’uchiaj en i
v’leva purtà e i t’neva semper in t’le sacocc, perché, diceva, i stav’ne mal. E
daxì en ce v’deva manca per bestemià, prò caminava caminava spedìt, cum si
nient fussa, cum un cristian nurmal; mo lu en era nurmal, lu aveva propri
b’sogn de ch’i’uchiaj sa le lent daxì spess che parev’ne i fanaj d’un camion.
Spess e
volentieri inciampava o sbatèva contra qualcun, e ogni volta chiedeva scusa ma
tutti, anca ma’ i lampion! Daxì aveva decìs de fa semper la stessa strada,
perché l’aveva imparata a memoria. Mo se, per cas, c’era un scatulòn per terra,
o el camiuncìn del panetier parchegiàt malì, alora si che i dava 'na sardella
de c’le bell! E subìt bestemmiava, bestemmiava brutt, anca si en ce v’deva
manca per fa’ quell.
Da Biozzi
c’era stàt ‘na volta sola, quand s’era incòt del difèt. Mo quand’era de dentra
l’ambulatori d’l’oculista, per sbài aveva spustàt un sgabell e quell l’aveva
sbatùt fora senza visitàl e senza manca chieda i sold.
Ogni tant
bucava de dentra da Da Ros a chieda si pudeva metta c’le lent che se tac’ne
dentra i’occhi, e Luciano i’ rispundeva che el problema sua -si propri en
v’leva purtà i’uchiaj- se risulveva gambiànd i’occhi. Mo lù en c’i’armaneva mal;
in fond en è che i’impurtassa più de tant.
E daxì diceva
ma tutti che i’uchiaj i’ stav’ne mal, e manca ce v’deva un cas!
Mo nisciùn
sapeva che de dentra casa le lent le purtava: era d’fora che preferiva a veda
el mond tutt sfucàt, tutt macchi culuràt e senza cuntòrn, sensa righ né
quadrett; le lampadìn che parev’ne c’le stell de Natal fatt sa la stagnola, la
funtana d’piassa un tutt’un grig... per lù el mond era mej daxì, senza tanta
precisiòn, sensa tant robb che pudev’ne fa creda che tutti capisc’ne tutt e
tutti polèn cuntralà agnicò.
Per lù era
mej un mond daxì, apena disegnàt; a tutt el rest ce pensava la fantasia sua.
Nessun commento:
Posta un commento